Ungdomens Kulturmønstring hadde i helga fylkessamling i Bergen. Om ingen av dei lokale deltakarane gjekk vidare til UKM si landsmønstring i Trondheim, kunne dei reisa heim med ein flott diplom som fortel at Etne blei kåra til årets Turbokommune av arrangøren, Hordaland fylkeskommune.
Denne heideren er via den kommunen som har størst auke i deltakinga til UKM. Etter eit litt slakt fjorår, har kommunen og andre involverte verkeleg fått opp interessa dette året. I fjor deltok berre sju ungdommar i den lokale mønstringa, medan det var nærare 80 unge talent med denne gongen.
Dette resulterte også i ein stor delegasjon til helgas UKM som gjekk av stabelen i Grieghallen. Elleve unge frå Etne hadde tatt turen til Bergen.
Desse deltok
Kinga Katrine (13)
Kunst: Meininga med livet
Final Hope (dans/turn)
Alice Sirnes (14) og Kristine Hamre (14)
Koreograf: Celina Thorson (17)
Amalie Grindheim (13)
Song: Skinny Love
Gitar: Jonas Lundal (13)
Jenny Hjemdal (17)
Litteratur: Novella «Min Sofie»
John Isak Furuseth (18)
Kortfilm: Stop Motion animasjon; «Monkey Riding a chair»
Odd Ivar Sande (18)
Einmannsband (recorder): «Diamant til Kull»
Thomas Klungland (17)
Pianist: «Skugge og eld»
Kristin Hovda (12)
Song: «Uncover»
Grannar kjem attende med meir om UKM Hordaland i torsagens avis.