Politiet rykka fredag ettermiddag ut til eit trafikkuhell på E134 i Ølen. Ein trafikkant meldte frå etter å ha vore vitne til ein bil som prøvde å køyra forbi ein bil med campingvogn.
— Vitnet meiner forbikøyringa var uforsvarleg då det kom møtande bil. Det enda med unnamanøver der campingvogna blei påkøyrt og skada, opplyser operasjonsleiar Svein Roald Vikse ved Haugaland og Sunnhordland politidistrikt.
Patrulje er på staden og har avhøyrt mistenkte, ei kvinne i 50-åra, fornærma og vitne. Sjåføren er anmeldt for uforsvarleg køyring. Hendinga skjedde i 16-tida.