Helga har vore søkkvåt, og Norsk meteorologisk institutt melder om opp mot 100 til 130 mm på 24 timar enkelte stader på Vestlandet det siste døgnet.
Politiet har så langt ikkje meldt om øydeleggingar i Vindafjord og Etne, men regnet som har bøtta ned dei to siste dagane, er godt synlege i vassdrag og i form av nye innsjøar på åker og eng. Enkelte stader fossa vatnet over hovudvegane og førte til ekstremt vanskelege kjøreforhold.
I VIkedal flaumde elva tysdag ettermiddag uvanleg høgt, og det same var tilfelle i Etneelva der laksefella stod langt under vatn.
Ei rekkje stader på Vestlandet har det gått ras og vore stengde vegar. Det er den nordlege landsdelen som er hardast ramma av storregnet. Vegvesenet valte tysdag ettermiddag å stengja Fv 520 som gjorde at Sauda blei isolert. Lokalt har alle vegane vore opne.
Flaumvarslingstenesta til NVE for Rogaland går ut på flaum, gult nivå, for fylket på grunn av regn i måndag og tysdag, medan onsdagen blir lettare.
Les meir om uvêret i torsdagens papir-/e-avis.
Tips oss eller send bilde om uvêret til: tips@grannar eller 97570789.