— Og så blir det snakka om at også løyperkorden på ca. to timar og ti minuttar som Per Øyvind Valen frå Vikebygd har, vil bli slått i år. Thomas Finshus som er blant dei 66 påmeldte i konkurranseklassen, har trena spesielt for å springa fort i år, seier Lars Gunnar Økland i arrangementskomiteen og ein av dei vel 50 personane som er involvert i det store arrangementet.
Blodslit
Skjold på tvert er for både turgåarar, mosjonistar og eliteløparar, og er rekna for å vera eit blodslit for dei som vil raskt gjennom den lengste løypa. Oppmøte er ved Skjold Arena, og derfrå blir deltakarane bussa til Våg/Hodnafjellet eller Dalavika, alt etter kva løype som skal forserast.
Langløypa er på heile 23,8 kilometer og går over ni toppar med start på Hodnafjellet og målgang i Skjold, medan Halvtversen er tolv kilometer og krev forsering av fire toppar.
Fem lag i bygda står bak løpet som er det største idrettsarrangementet i Skjold. Blant laga som er involverte er speidarane som stiller med suppestasjon.
— Etter to år med dårleg vêr, ser det lyst ut i år, og dersom varsla om godvêr slår til, ligg det an til fleire rekordar denne gongen, seier Økland.