Ein bubil på veg vestover på E134 var nær ved å hamna i Stordalsvatnet aust for Etne måndag ettermiddag. Det var tre personar i bilen, men ingen kom alvorleg til skade.
— Éin person klaga over vondt i ryggen, opplyser Haugaland og Sunnhordland politidistrikt.
Ulykka skjedde ved Grønstad i 50 km-sona. Bubilen har skore ut til venstre, treft ein liten murkant før den hamna like på nedsida av vegen 20 meter lengre borte. Den blei liggjande på taket nokre få meter frå vatnet etter å ha blitt stoppa av vegetasjonen.
Politioverbertjent Arild Austrheim ved Vindafjord lensmannskontor kan førebels ikkje seia noko om årsaka til trafikkulykka, men seier at ingen ting tyder på stor fart. Det var ingen andre kjøretøy involvert. Sjåføren var ein mann i midten av 70-åra.
Det er usikkert når bilberginga vil skje, men dersom oppdraget tar lang tid, vil det bli gjort på eit tidspunkt med lite trafikk på vegen.
Til all hell gjek det bra med personane i bubilen.