— Frå i dag og inn i helga venta regn som frys på bakken. Køyr forsiktig! Mange kuldegrader blir avløyst av regn og plussgrader. Det blir store lokale forskjellar i dei tre fylka. Trafikantar bør køyre forsiktig og hugse på at vegane kan vere svært glatte sjølv om det er plussgrader og regn i lufta.
Nedbøren frys
Vêrmeldinga syner omslag til mildvêr. Etter ein langvarig kuldeperiode kan dette bety vanskelege køyreforhold.
— Mykje kulde er lagra i bakken, som gjer at nedbøren frys når den når vegen, seier Tore Bergundhaugen på trafikksikkerheitsseksjonen i Statens vegvesen.
Det kan vera store lokale forskjellar, og det glatte føret kan vara heile helga.
— I sør og nærast kysten seier vêrvarsla sludd og regn, litt lengre innover i landet seier varsla snø som går over til sludd og regn etter kvart, seier Bergundhaugen.
Salt mindre effektivt
— Er det ikkje berre å salte?
— Når så mykje kulde er lagra i vegane, har salt mindre effekt. Kjem det ein del regn i tillegg blir saltet vaska vekk. Då kan vegane igjen fryse til, forklarer han.