14 fartsbøter i Vikedal

Politiet skreiv ut heile 14 forenkla førelegg for brot på fartsgrensa under to trafikkontrollar i Vikedal torsdag kveld. I sentrum blei resultatet fem fartsbøter i 50-sona der høgaste fart var 69 km/t. I 80-sona blei ni fartssyndarar stansa. Høgste fart her var 108 km/t. Politipatruljen stansa også ein bil med hengjar i Vikedal. Det viste seg at den var overlasta. Førar hadde heller ikkje gyldig førarkort. Forholdet er anmeldt, opplyser Sør-Vest politidistrikt avd. Haugesund.