Ved midnatt natt til onsdag opna sportsfisket etter villaks i Etneelva, etter at elva har vore stengd i 2013 og 2014 grunna låg bestand.
Grunneigar Jakob Lindvik skulle berre låne ei stong av Leif Johnny Næss, som leiger hus hos Lindvik. Og på første forsøk, med sluk, var det fangst. Ein sprek villaks på 3,5 kilo gjekk på kroken.
— Dette hadde eg aldri trudd, smilte Lindvik nøgd.
Alle sportsfiskarane i Etneelva blir oppmoda om å registrere fangsten på Laksebørsen ved Etne camping. Klokka 14.40 onsdag, altså litt over halvvegs inn i opningsdøgnet, var det registrert 13 fisk på laksebørsen, den største på 8,9 kilo – tatt av Andreas Grumheden.
Det betyr at den største som er registrert i fiskefella sidan 1. mai, på 14,3 kilo, svømmer rundt i beste velgåande.
Les meir om laksefisket i papiravisa torsdag.