Den varme sommarkvelden la ei fin ramme rundt fredagens konsert med den populære gruppa Vamp i Skånevik. Det yrte av liv både i sentrum og i båthamna, og folk kosa seg i varmen.
— Heile Skånevik kokte. Det var ein fantastisk kveld med ein magisk konsert. Publikum talde rundt 600 personar, og det var ei god blanding i alder, fortel arrangør Alf Warloe Christophersen og lovar at det vil bli fleire konsertar med gruppa.
— Gruppa likte seg så godt i Skånevik at dei ynskjer det skal bli ein tradisjon, seier Christophersen.