Sjølv om resultatet ikkje blei slik alle hadde håpa på er det ingen av dei politiske partia som ser nokon grunn til å vera leie seg. Dei er alle glade for at resultatet har blitt så tydeleg, og er klar til å jobba vidare utan Etne med på laget.
— Me har bede folket om eit klart svar og det har me fått. Eg ser ingen problem med det, seier ordførar Vierdal og tek det tydelege nei resultatet med godt mot.
— Samarbeidet med Etne vil fortsetja, og eg trur me vil bli knyta meir og meir saman i framtida, seier han.
Reidar Håvås (Ap) har i heile prosessen fronta nei-sida, og meiner resultatet er eit døme på at folk har gjort eit fornuftig val.
— Vindafjordingane har gjort eit val etter hovudet. Dei har stemt på det som er best, seier Håvås nøgd som såg at mange i heimbygda Skjold røysta nei.