Hamish Mitchell fekk sølv i lagkonkurransen, og hamna på niande plass individuelt. Privat foto

Kari Aakra

Både saueklypparar og ullsorterarar frå Grannar-distriktet gjorde det godt i VM i saueklypping i Wales denne veka.

Skotske Hamish Mitchell er gardbrukar i Etne,  men klypte for heimelandet under verdsmeisterskapet i saueklypping som blei avslutta i Wales i går kveld. I lagkonkurransen var Mitchell og kompanjongen Gavin Munch svært nær siger, og tok heim sølvmedaljen.

 Den drivne klypparen har vore i VM-finalane dei siste ti åra, men røyk ut i går i semifinale i individuell konkurranse, og enda på 9.plass, medan lagkameraten gjekk til topps.

Gerhard Hakull frå Skjold hamna på ein åttande  plass i ullsortering etter andre runde tysdag, medan Janine Grimaas frå Vikedal hamna på femtande plass.

— Eg er veldig nøgd, då eg hadde ein plas om å komma lant dei ti beste. Janine gjorde også ein svært god jobb, og det mvar mange dyktige folk som kom bak henne på lista, seier Haakull på telefon frå Wales.

Til saman i lagkonkurransen kom dei på sjette plass etter nervepirrande konkurransar dei siste dagane.
— Eg har tidlegare vore i VM; i Australia, men då var eg så fersk at eg ikkje visste kva eg gjekk til. Nå visste eg litt betre kva som venta, og eg var eit nervevrak medan det heile sto på, seier Haakull.

Men nervane har ikkje sett noko stoppar for konkurranseinstinktet hjå Skjoldabuen.
— VM i Wales gav absolutt meirsmak, så om eg klarer å kvalifisera meg i NM stiller eg gjerne igjen.