Johannes Jansen Heggebø (13) frå Bergen var på stølstreff saman med bestemor Johanne Marie Heggebø frå Ølen, og resten av familien.

Staurbering, mjølkespannkasting, song og musikk prega programmet under stølstreffet på Eikemo.

Godt over 150 menneske deltok på arrangementet. Her var folk i alle aldrar; frå tre månadar gamle babyar til eldre søsken, foreldre, tanter og besteforeldre.

Transport

Medan nokon nytta seg av eksotisk traktorsafari opp langs dei skarpe svingane til stølen, var det andre som brukte beina.

— Eg vil springa opp ved sida av traktoren pappa, trur du eg klarer å halda følgje? spør Johannes Jansen Heggebø, og vender seg mot faren.

Vel framme

Seks kilometer seinare, var journalisten og dei andre bak i passasjervogna framme. Johannes venta på toppen. Der hadde han til og med stått ei stund.

— Det var ikkje så slitsamt som eg trudde. Nå ser eg fram til å konkurrera i mjølkespannkasting og staurbering. Eg har skikkeleg konkurranseinstinkt, så eg skal gi alt, seier Johannes Jansen Heggebø.

Sjå fleire bilde her.

Les meir om stølstreffet, og korleis det gjekk med Johannes, i papiravisa på torsdag.