Direkte val av ordførar

Det blir direkte val av ordførar i Vindafjord under kommunevalet neste år. Dermed blir det også ved dette valet veljarane som kan peike ut kandidaten gjennom eit eige ordførarval. Direkte ordførarval er framleis eit forsøksprosjekt der kommunane må søkje Kommunal- og regionaldepartementet om å få vere med. Eit samstemt kommunestyret avgjorde at Vindafjord skal søkje om å få delta også ved valet neste år. I dag er det 36 forsøkskommunar, og departementet ønskjer å utvide til 50, alt etter interessa.