Far Spirit levert

Far Spirit er eit plattform forsyningsskip. Skipet er 73,4 meter langt og har ein lastekapasitet på ca. 3.500 tonn.
— Vi er svært glade for å levere til eit kvalitetsrederi som Farstad, noko som viser at vi har lykkast med vår satsing på kvalitetsskip til kvalitetskunder, seier Endre Matre i Westcon i ei pressemelding.
Skipet er det femte fartøyet i same serie som blir levert av Westcon. Blant lokale underleverandørar finn ein Vassnes Elektro AS i Ølensvåg og Johansen Rør i Skånevik.
Westcon har no fire nybygg i ordre. Tre offshorefartøy og ein fiskebåt. I tilegg til nybygga skal verftet også ha fleire ombyggingar og reparasjonar av skip og riggar framover.