Kjempar mot turbulent vind

Rundt klokka 10.00 (tysdag) kjem det 40 personar frå Heimevernet som skal vere med i kampen mot flammane saman med brannvesenet og Sivilforsvaret. Då kjem også to helikopter som skal fly mannskapet inn i fjellet.
– Vi har ikkje kontroll over brannen i denne delen av fjellet, og vind gjer arbeidet vanskeleg. Brannen går frå Vikebygd mot Bjoa både i nord og aust, seier Skaar.
Det er ingen hus eller hytter som er truga av flammane i dag sidan brannen er opp i fjellskråningane.