Omkamp mellom Bergsvåg og Håvås

Arne Bergsvåg (Sp) gjorde det beste valet og fekk omlag 38 prosent av stemmene, det vil seia 1394 stemmer. Reidar Håvås (Ap) fekk omlag 30 prosent av stemmene. Dagfinn Torstveit (H) kom på tredjeplass, deretter Terje Halleland (Frp) og Oddvar Haugland (KrF).
– Eg er glad for å få mest oppslutning, men ved neste val startar me på null begge to, seier Arne Bergsvåg til Grannar.
Ettersom ingen av kandidatane fekk 50 prosent oppslutning, blir det nytt ordførarval for nye Vindafjord neste søndag og måndag.