På taket i hage

Folk i huset trudde knapt sine eigne auge då bråket viste seg å stamme frå ein bil som låg på tvers på taket rett utanfor huset. Bilen stoppa fleire meter opp frå vegbana på E134.
Uhellet skjedde i 60-sona ein god kilometer frå Ølen sentrum i retning Ølensvåg.
Ein 18-åring frå Etne, som ganske nyleg har fått førarkort, køyrde bilen, medan dei to passasjerane på om lag same alder er frå Etne og Tysvær. Dei kom seg ut av den flattrykte bilen ved eiga hjelp og alle tre vart sende til legesjekk.