Skrapesjuke Nor98 påvist i Vindafjord

Søya blei undersøkt som ledd i eit nasjonalt overvakingsprogram for skrapesjuke. Dette programmet består av overvaking av levande dyr, prøvetaking av sjølvdaude dyr og prøvar frå slaktedyr.
For Nor 98 har ein aldri klart å finne nokon smitteveg inn i besetninga, og det er heller aldri påvist nokon smitteoverføring frå dyr med diagnosen. Så langt tyder det på at skrapesjuke Nor 98 er mindre smittsam enn klassisk skrapesjuke. Tiltaka i samband med Nor 98 er difor langt mindre omfattande enn ved klassisk skrapesjuke.
Besetningen er pålagt restriksjonar som inneber at det ikkje kan flyttast dyr ut av besetninga dei fyrste to åra. Det er ikkje påvist nokon samanheng mellom skrapesjuke hos sau og sjukdom hos menneske.