Sterk kontrollsatsing

Kari Aakra I Ølensvåg blei 109 bilar kontrollerte, medan politiet sjekka 258 bilistar ved Etne […]

Kari Aakra

I Ølensvåg blei 109 bilar kontrollerte, medan politiet sjekka 258 bilistar ved Etne sentrum i dag. I samarbeid med Statens Vegvesen skal Etne og Vindafjord lensmannsdistrikt satsa sterkare på trafikkontrollar framover. Bilistar må førebu seg på hyppigare promille-, belte-, åtferds,- og fartskontrollar.
— Dette er ein strategi i samband med situasjonen rundt utrygge sentrum. Me vil ha kontrollar stadig oftare både på E 134 og riksveg 46, opplyser lensmann Ingvar Gjærde.

Mistanke om promille
I dag var det belte-, åtferds-, og promillekontroll. Ei 23 år gammal kvinne blei stansa for mistanke om promillekøyring ved kontrollen i Etne. Ho framsto som alkoholpåverka, og blei fråteken førarkortet.

Fire bilførarar fekk kvar sitt bilbeltegebyr på 750 kroner, og ein annan må punga ut med 500 kroner for manglande førarkort. Ein bilist blei bøtelagt då han køyrde utan vognkort, medan ein annan bil blei avskilta.  

Det blei også ein dyr telefonsamtale for bilisten som blei stansa medan han snakka i mobil bak rattet. 1.300 kroner kjem i tillegg til den ordinære telefonrekninga.

Av dei vel hundre bilane som blei stansa i Ølensvåg, enda tre av sjåførane opp med kvar sitt gebyr på 750 kroner for manglande bilbeltebruk