— Sidan vi nå har slått oss saman, fann vi ut at det kanskje var tid for å gjere litt endringar i den tradisjonelle julekonserten, seier rektor i kulturskulen, Anne Kristine Andersen.
— I tillegg til denne konserten her i Skjold i dag, med om lag 40 elevar frå både Vindafjord og Ølen, vil det bli konsert/framsyning med dei meir vidarekomne i Ølen samfunnshus førstkomande tysdag, held ho fram.
Totalt er det nå om lag 300 elevar i kulturskulen i den nye kommunen.
Variert program
Dei fleste aktørane som var i sving torsdag underheldt med song og musikk, men også elevane som har form og farge som fag fekk vist fram litt av det dei har arbeidd med denne hausten.
I tillegg fekk publikum sjå den nye dansegruppa som dansa til fengjande musikk.
Framsyninga viste at det er mange flinke elevar i kulturskulen i Ølen/Vindafjord, og at nivået på lærarane i kulturskulen er svært godt.