Vil støtta tunnel

Formannskapet i Etne tilrår at Etne kommune skal gå inn i tunnelselskapet Skånevik –Etne AS, med ein aksjekapital på 24.970 kroner. Det tidlegare løyvde og utbetalte tilskotet til forprosjektet for utbetring av vegen mellom Valen i Kvinnherad og E 134 i Etne kommune, vert omdisponert og innbetalt som Etne kommune sin del av aksjekapitalen i selskapet. Varaordførar Siri Klokkerstuen (Ap) foreslo at Etne kommune skal verta representert av ordføraren i styret i selskapet. Dette vart samrøystes vedteke. Saka vert avgjort i Etne kommunestyre.