Reisebyrået Contiki driv verdomspennande turistverksemd, mellom anna innan større cruise- og skireiser i Europa. Etterspurnaden etter fleire og nye opplevingsturar har auka på dei siste åra, og reiseoperatøren er på jakt etter nye turistmål for større grupper.
Erica Hewitt og mannen arbeider i på Mallorca for Contiki og møtte skåneviksbu Victor Carlsen på cruisetur for to år tilbake. Sidan har dei haldt kontakten, og då ekteparet spurte etter tips om nye opplevingsruter i Noreg, var Carlsen kjapt ute med forslag på Haugalandet. Dei siste dagane har Contiki-medarbeidarane vore på rundtur, og tatt pulsen på reisemåla Skånevik og Åkrafjorden i Etne.
— Sjefen deira hadde lenge snakka om å finna nye destinasjonar for gruppeturar og opplevingsreiser. Dei har interessert seg for reisemål både på Haugalandet og i Hardanger, og har vore heilt i hundre etter turen til Skånevik og Åkrafjorden, fortel Carlsen.
I går var ekteparet i Haugesund for å møta med representantar frå Destinasjon Haugalandet, og planane om flyruter sørover frå Karmøy har bidratt til desto sterkare interesse kring turar mot til Vestlandet og Noreg.
Les meir i Grannar si måndagsutgåve.