Sementbil velta i Ølen

Både politi, brannvesenet og ambulanse er alarmert etter at ein lastebil med tilhengjar lasta med tørrsement velta i Ølen sentrum rundt kl 12.00 måndag. Trafikkulykka har skjedd i krysset ved riksvegen til Sandeid.

Operasjonsleiar Torger Stødle ved Haugaland og Sunnhordland politidistrikt opplyser at føraren av bilen er tatt med til legevakt med lettare skade.

Traileren kom frå Haugesund og skulle mot Sandeid. Idet den har køyrt av E134, har det store køyretøyet velta og lagt seg over på venstre side. Bilen blei liggjande delvis på motsett side av vegen og delvis utafor vegen.

Ingen andre skal ha vore involvert i trafikkulykka. Også biltilsynet er tilkalla for å finna årsaka til ulykka,

Trafikken forbi ulykkesstaden gjekk forbi ulykkesstaden ved manuell dirigering.