Politiet fekk onsdag klokka 14.19 melding om trafikkulukke i Ølensvåg. To personbilar og ein buss skal vera involverte i ulukka like ved avkøyrsla til Frønsdal på E134 , vest for Espelandssvingane.
Ein av personbilane har fått svært hard medfart både framme og bak.
Haukeliekspressen kom køyrande austover gjennom ein sving, og rakk ikkje stansa for ein stilleståande bil i vegen, som skulle til venstre inn ein sideveg. Bilen blei skuva over i motgåande køyrefelt, og blei det treft av bil nummer to.
Ambulanse, politi, brannvesen og redningshelikopter rykte ut til staden. Ein skadd person er frakta med luftambulanse til Stavanger Universitetssjukehus.