Statens vegvesen melde onsdag ettermiddag at opninga er utsett i 14 dagar fordi sikringsarbeida i fjellet ved tunnelen er meir omfattande og krevjande enn det såg ut til i starten. Sikringsarbeidet går ut på at fjellet over tunnelportalen må sikrast før ryddemannskapa kan gå inn og fjerne steinmassar frå den øydelagde portalen.
Så lenge vêr- og føretilhøva tillét det, kan trafikken gå med kolonnekøyring via gamlevegen i Austmannalia. Gamlevegen er vanskeleg og krevjande å forsere, så av omsyn til tryggleiken for trafikantane har Statens vegvesen valt å organisere kolonnekøyring.
Alternative ruter er E16 Filefjell, Rv. 7 Hardangervidda eller E18 om Sørlandet.