Bilbrann i Vats

Klokka 01.35 fekk politiet melding om brann i ein bil i Øvre Vats. Både brannvesen […]

Klokka 01.35 fekk politiet melding om brann i ein bil i Øvre Vats. Både brannvesen og politi rykka ut. Den 30 år gamle bilføraren frå Haugesund forklarte at han hadde kjent røyklukt i kupeen medan han køyrde, og stansa på ein rasteplass for å sjekka. Då slå det flammer opp frå motorrommet.

Motorrommet var heilt utbrent, og det var diverse skader i kupeen.
Bilen vil bli undersøkt for å fastslå årsaka. Bilføraren fekk svidde augnebryn då han opna panseret, men elles var det ingen personskader etter uhellet.