Det legendariske hard rock/heavy metal-bandet frå Storbritannia har haldt det gåande sidan 1980-talet, og har fans verda rundt.
Festivalsjef Alf W. Christophersen legg ikkje skjul på at han er stornøgd med fangsten. Faktisk var Def Leppard det første bandet han begynte å jobbe mot til årets festival, men det vart tidleg klart at bandet ikkje hadde planer om å turnere i Europa i sommar.
— Tilfeldigvis fekk eg vite at dei plutseleg skulle turnere i Europa likevel, så då kontakta eg kjapt agenten deira, seier han og fortel at avtalen gjekk endeleg i boks i førre veke.
— Def Leppard føyer seg inn i ei lang rekkje store namn som har tatt seg turen til bluesen. Dei kan by på ein fin blanding av rock og rolege balladar. Dette blir bra.