Ein mann i 40-årsalderen er sett i drukkenskapsarresten mistenkt for promillekøyring mellom Skjold og Vikebygd onsdag kveld. Sjåføren som ifylgje politiet er tatt for promillekøyring to gonger tidlegare det siste halve året, skal ha køyrt ca éi mil utan luft i det eine dekket etter at store deler dekket fall av hjulet.
Mannen nekta både for køyringa og å ta blodprøve, men alcometertesten viste utslag langt over det tillate.
— Sikta blei køyrt til politistasjonen i Haugesund kor blodprøven blei tatt, og deretter sett i drukkenskapsarrest, opplyser operasjonsleiar Svein Roald Vikse ved Haugaland og Sunnhordland politidistrikt.