Skrive av Sirianne Vikestad
I Vikebygd var det skilta til ‹‹Loppis›› forrige helg.
– Detta freistar til gjentaking, seier arrangør Gunn Vikingstad.
Det var laga til eit ordinært utsal, der ulike typar lopper – møblement, pynt, klede og anna – var blitt gitt til arrangørane av strandloppene, slik at sal av dette kunne gå til oppussing av Vik Bygdehus.
I tillegg var det mange som hadde tatt turen til brygga og dreiv eige utsal av lopper frå bagasjeromma sine.
Plassabakeriet hadde ope for dagen, slik at folk kunne nyta nylaga snurringar rett frå omnen. Bjørn Vik hadde for anledninga baka 700 snurringar, som folk stod i kø for å få.