Haugaland og Sunnhordland politidistrikt oppmodar folk i regionen om å halda seg inne. Stormen tar seg nå opp i distriktet og politiet ber folk halda seg borte frå vegen inntil vinden minkar.
Så langt er det ikkje meldt om alvorlege skadar eller uhell i Grannar-distriktet. Men denne bilen gjekk det gale med på Norheimstranda, E134 i Stordalen.
Stengde bruer
Mange må likevel ut i bil for å koma seg til og frå jobb. Til desse har politiet fylgjande melding.
— Ver varsam når du køyrer i personbilar og hengarar med stort vindfang.
Karmsund bru er stengt. Bruene i Trekantsambandet har blitt vurdert. Stordbrua er framleis open, men Bømlabrua er stengt, lydde varselet som politiet sendte ut like før kl 15.00.
Politiet ønskjer minst mogleg trafikk på vegane til vinden løyar utover kvelden.
— Sterk vind kombinert med venta snøfall kan skapa vanskelege trafikale situasjonar.
Politiet oppmodar også publikum om å sikra lause gjenstandar for å unngå skader. Politiet har fått mange meldingar om flygande gjenstandar, takstein og velta tre.
— Pass på!