Uhellet skjedde rett etter klokka 18.00 i kveld på E134 i Skjold, melder operasjonssentralen i Haugaland og Sunnhordland politidistrikt. Ifølgje politiet var sjåføren ute av bilen då den byrja å trille, og i samband med dette vart den kvinnelege sjåføren skadd. Sjåføren i 60-åra vart frakta til sjukehuset i Haugesund for vidare sjekk. Ho var aleine i bilen.
Politi og ambulansar rykte ut til staden. Uhellet skjedde like før avkøyringa til Vikaneset og Skjold skule.