Mange helgetrafikantar har ein tendens til å vera harde på gasspedalen, noko UP fekk erfara då dei gjennomførte ein fartskontroll i 60-sona på fv. 46 i Ilsvåg fredag ettermiddag. I løpet av to og ein halv time blei 20 fartssyndarar vinka inn.
19 førarar slapp unna med forenkla førelegg, medan éin fekk lappen beslaglagt. Vedkomande blei målt til hundre kilometer i timen, melder Haugaland og Sunnhordland politidistrikt.