Dette er lykkerekkja til den heldige Lotto-vinnaren frå Skånevik: 1-4-16-21-25-32-34.

I alt fem personar hadde desse tala då Norsk Tipping let kulene rulla laurdag kveld. Kvar av dei vann 3.122.755 kroner.

Vinnaren frå Skånevik har valt å vera anonym og det er mange i bygda som i desse dagar går rundt og undrar på kven den heldige 65-åringen er. Ifylgje Norsk Tipping blei kupongen kjøpt på Spar Valen.

Betalar ned gjeld

Til Norsk Tipping hadde ho denne kommentaren då telefonen frå Hamar kom.

— Eg såg trekninga på tv, og gjekk gjennom kupongane etterpå. Eg hadde aldri trudd dette skulle skje meg, seier den lykkelege kvinna som opplyser at ho skal bruka pengar på å nedbetala litt gjeld.

Sjansen for å få sju rette er 1:5,4 million per rekkje.

Det har gått nesten eitt år sidan Etne fekk sin førre tippemillionær. I Vindafjord er det vel fire år sidan førre storpremie kom (sjå oversikt for dei siste ti åra).

Statistikk frå Norsk Tipping viser at Hordaland, saman med Akershus og Oslo, har flest tippemillionærar. Sidan 1978 har 824 hordalendingar stukke av med milliongevinst til ein samla verdi av vel 2,5 milliardar kroner. Rogaland har hatt 574 millionvinnarar i perioden.

Siste millionpremiar i Etne kommune

Spel	Premie	Kjønn	Kommune	Dato
Lotto	3,1 mill	Kvinne	Etne	19.09.2015
Joker	3,1 mill	Mann	Etne	22.10.2014
Lotto	1,9 mill	Kvinne	Etne	30.08.2014
Lotto	1 mill	Mann	Etne	30.03.2013
VikingLotto	4,7 mill	Mann	Etne	25.06.2005

Siste millionpremiar i Vindafjord kommune

Spel	Premie	Kjønn	Kommune	Dato
Lotto	2,5 mill	Mann	Vindafjord	21.05.2011
VikingLotto	1,5 mill	Mann	Vindafjord	18.05.2011
Lotto	3,1 mill	Mann	Vindafjord	14.05.2011
FLAX	1 mill	Kvinne	Vindafjord	22.05.2010
Lotto	1 mill	Kvinne	Vindafjord	27.09.2008
Lotto	2,1 mill	Kvinne	Vindafjord	12.04.2008
Lotto	1,9 mill	Kvinne	Vindafjord	20.10.2007
Joker	2 mill	Mann	Vindafjord	05.08.2006
Lotto	1 mill	Kvinne	Vindafjord	02.07.2005

(Kjede: Norsk Tipping)