Like etter klokka 11.30 onsdag vart det meldt om brann i ei campingvogn med tretelt på Vikedal camping. Naudetatane rykka ut, og klokka 12.05 meldte Sør-Vest politidistrikt avd. Haugesund at ingen vart skada i samband med hendinga, men at det vart jobba med ettersløkking. Det var ingen personar i vogna, og ingen andre campingvogner vart berørt av brannen. Årsaka til brannen er ikkje kjend, men politiet vil gjennomføre undersøkingar på åstaden.