Det er haust, og tradisjonen tru inviterer Etne Musikklag søndag til musikalsk ettermiddagskaffi på Skakke. Som vanleg vert det åresal med fine gevinstar, pause med drøs, kaffi og kaker, – og sjølvsagt ein minikonsert med korpset. Etne Musikklag tel denne hausten fleire musikantar enn på mange år. Ja, så solid er stamma av musikantar nå at korpset har meldt seg på amatørkonkurransen JanAm i november, og publikum vil få ein liten smakebit av dette programmet. Pluss litt anna. At det blir «trøkk» i storsalen er det ikkje tvil om.