Politiet har dei siste 14 dagane sett inn ein del ressursar i kampen mot narkotika. Resultatet har blitt at ein del personar både i Etne og Vindafjord er pågripne for besittelse og bruk av narkotiske stoff. — Me har tatt inn rundt fem til ti ungdommar og beslaglagt tablettar og stoff. Både gamle kjenningar av politiet og nye har vore inne til avhøyr og det vil bli oppfølging av sakene, opplyser lensmann Ingvar Gjærde. Han er uroa over at det dukkar opp ny aktivitet i miljøet.