Ein ung mann frå Sauda hadde drukke så mykje alkohol før han sat seg inn i bilen sin at han ikkje hugsar noko frå han starta bilen og fram til han vart stoppa av politiet i Vindafjord natt til søndag 10. juli i år. Han hadde då køyrd frå ein festival og var på tur heim. To og ein halv time etter køyringa vart han målt til ein promille på 1,93. No er han i Haugaland tingrett dømd til fengsel i 18 dagar og ei bot på 30.000 kroner. I tillegg må han klare seg utan førarkort i to år. Mannen har vedteke dommen.