Naudetatane var klokka 12.40 tysdag på veg til Åkrafjorden etter melding om to trafikkulykker på E134 ved Fjæra.
— Det skal vere snakk om to hendingar, uavhengige av kvarandre, fortel operasjonsleiar Jan Magne Østebøvk ved Sør-Vest politidistrikt til Grannar.
Ein bil skal ha treft fjell, ein annen har køyrd i grøfta.
— Førarane er ute av bilane, ukjend skadeomfang, seier Østebøvik.
Etter det Grannar kjenner til, har det gått rimeleg bra med dei involverte personane.
Både Fjæratunnelen og Eljarvikvegen var stengt i etterkant av ulykkene, men opna igjen etter ein vel halvtime for passering med følgjebil.
Bilberging i Fjæra etter to utforkøyringa på glatta.
Foto: Torstein Nymoen
Siste:
Utforkøyringane skjedde omlag på same stad, like på austsida av Fjæratunnelen. Ifylgje politiet var det mykje snø i vegen, ved krysset inn til Fjæra. Det hadde vore eit krafttig snøfall i bygda på føremiddagen.
Båe bilane kom frå vest, første ein blå personbil og deretter ei kvit varevogn. Sjåførane som var åleine i bilane, blei frakta til sjukehus i Haugesund med ambulanse. Båe klaga på smerter i brystet.
Kl 14.25 var den siste av dei to bilane fjerna frå grøfta og trafikken kunne gå normalt igjen.