Olalia fjellstove vil vera open og betjent heile veka i vinterferien. Kafeen er open kvar dag og det er høve til overnatting.
— Olalia har ope til og med neste søndag og folk treng ikkje bestilla overnatting på førehand. Det er berre å ta turen, seier Rolf Erik Svanberg i Haugesund Turistforeining og ynskjer friluftsfolk velkomne til fjells.
Søndag vart det køyrt opp løyper frå parkeringsplassen på Opheim og inn til fjellstova, men i dag ser det ikkje så lovande ut for skifolket. Det er lite snø i løypa og vêrutsiktene for dei komande dagane er svært usikre.
Tysdag er det meldt om både snø og regn, og gradestokken ser ut til å halda seg på plussida. På torsdag er det meldt om litt snø og nokre få minusgrader og fram mot helga skiftar temperaturen mellom pluss og minus.