Lars Lagerbäck med sine første utvalte.

Håvard Nordtveit i landslagstroppen som nå er tatt ut. ARKIVOFOTO

Nordtveit i troppen

Håvard Nordtveit var blant dei 24 utvalde i Lars Lagerbäck sin aller første A-landslagstropp i fotball som skal møta Nord-Irland.

av Arne Frøkedal

Det var knytt stor spenning til Lars Lagerbäck sitt første uttak til det norske landslaget. Den ferske svenske landslagstrenaren står over for ei formidabel oppgåve når han skal prøva å ta A-landslaget til VM-sluttspelet neste år.

West Ham-spelar Håvard Nordtveit frå Vats, har slite benken og fått lite speletid i Premier League i England i vinter. Nå får han ei veke på treningssamling på seg å visa at han fortener plass i startellevaren. Han er blant åtte som er tatt ut til å kjempa om plass på midtbanen. Nordtveit er også aktuell i midtforsvaret, opplyste Lagerbäck på dagens pressekonferanse.

Noreg ligg nest sist på tabellen med tre fattige poeng og er hekta av sjansen til direkte kvalifisering. Å greia andreplass som gir kvalifisering, er målet til den nye landslagssjefen. Første oppgåve er borte mot Nord-Irland sundag 26. mars, ein kamp som går på Windsor Park i Belfast og som Noreg er nøydd til å vinna i det heile å ha ein sjanse til å nå VM-sluttspelet.