Ein mann vart frakta til Haukeland universitetssykehus i Bergen etter ei arbeidsulukke der han fekk ein spiker i auget. Snikkaren var aleine under arbeidet med ein garasje mellom Ølen og Sandeid då uhellet skjedde. Han vart først frakta med ambulanse til legevakta i Ølen og deretter vidare med luftambulanse til sjukehus. Ulukka vart meldt inn til politiet klokka 14.15 fredag ettermiddag. Operasjonsleiar Rune Plassen i Sør-Vest politidistrikt opplyser at politiet har vore på staden og tatt bilde, og dessutan informert Arbeidstilsynet om hendinga. Politiet er ukjent med kor alvorleg skaden er.