Ved 22.30-tida laurdag kveld vart politiet kontakta av ei kvinne i 20-årsalderen som opplyste at ho hadde vore uheldig og rygga på ei flaggstang i Ølen sentrum. — Ingen personar kom til skade, og det var nesten ingen materielle skadar etter uhellet. Kvinna tok også initiativ til å ordne opp med Vindafjord kommune, som eig flaggstanga, fortel operasjonsleiar Trond Børge Åsbu ved Sør-Vest politidistrikt i Haugesund. Det er ikkje mistanke om køyring i påverka tilstand.