Politiet melder onsdag kveld om funn av ein livlaus person i fjorden i Skånevik. Naudetatane er på veg til staden. Eit Sea King redningshelikopter er rekvirert frå Sola og er på veg til Skånevik, opplyser Sør-Vest politidistrikt avd. Haugesund like etter kl 20.30.
— Politiet er ikkje kome fram til staden, men det lokale brannvesenet har fått personen på land og driv nå med gjenopplivning, opplyser operasjonsleder Tore Frøyland-Jensen i Sør-Vest politidistrikt til BT.
Hendinga skal ha skjedd i nærleiken av Krambua som ligg like ved ferjeleiet i Skånevik. Redningshelikopteret var framme rundt kl 21.00 og like etter var også politi og brannvesen på staden.
Siste frå politiet, like etter kl. 21.30:
Gjenoppliving er avslutta. Mann i 60-åra er erklært død. Politiet jobbar med å finna ut kva som har skjedd.