Frp ligg an til å få godt over 19 prosent av stemmene, og det er ein liten auke frå 2013. Dermed er det liten tvil om at Frp tar tre mandat i Rogaland, og at Halleland blir den første stortingsrepresentanten frå Vindafjord i nyare tid.
Har løfta seg
— Det ser ganske trygt ut no for det tredje mandatet. Eg er stolt over at vi klarer å løfte oss til framgang i Rogaland. Regjeringa har hatt mange utfordringa, men det ser ut til å bli fornya tillit, seier Halleland.
Høgre er det største partiet i fylket, men får ein tilbakegang.
Sp litt fram
Senterpartiet har ein liten framgang, men ser ikkje ut til å kapre fleire enn den eine representanten som partiet har frå Rogaland i dag.
Arne Bergsvåg frå Vindafjord som har tredjeplassen ser dermed ut til å bli andre vararepresentant til Stortinget dei neste fire åra