Feil poeng om kulturminne

Onsdagens pressemelding frå Riksantikvaren om kommunerangering viser seg å innehalda feil. Dagen etter kom det melding om at ein del av tala hadde forskyve seg i tabellen, slik at nokre kommunar var oppført med feil poeng.

Tabben ramma både Etne og Vindafjord. Etne som stod oppført i den dårlegaste kategorien, er blitt endra frå 0 til 3 poeng. Vindafjord går motsett veg, frå 8 til 6 poeng. Rangeringa frå Riksantikvaren gjaldt kommunane sitt arbeid med kulturminne der 9 poeng var topp og 0 dårlegast.