Ingen utslag i Vikedal

I ein promillekontroll i Vikedal på føremiddagen i dag blåste alle grønt, og det var ingen reaksjonar frå politiet si side. 70 kontrollerte bilistar, ingen utslag, er den kortfatta rapporten frå operasjonssentralen i Sør-Vest politidistrikt.

Etter rootsfestivalen laurdag har politiet lite i loggen sin ut over at ein person vart vist vekk frå festivalområdet fordi han forstyrra orden på offentleg stad. Mannen i 40-åra var kranglevoren og rusa, opplyser politiet.