Bente Kristiansen, busett i Etne, tippa verdsmeisterskapen i fotball betre enn 66.483 andre. Konkurransen kalla VG Profeten føregjekk under heile VM i Russland, og ein får poeng for rett resultat ved fulltid og etter spådd avansement til dei ulike finalane.
– Eg hadde aldri trudd det skulle gå så bra, seier den overraska vinnaren.
Kristiansen fortel at ho hadde full pott blant semifinalelaga, og at ho hadde tippa franskmenna som sigerherrar. Det var altså nok til å stikke av med sigeren eitt poeng føre nummer to på lista.