Jens Hundseid har i mange år målt nedbør for Meteorologisk institutt, men aldri så mykje som denne hausten.
Arkivfoto: Jon Edvardsen
Haust for rekordbøkene
Bergen har sett nedbørsrekord denne hausten, men er likevel klart slått av Hundseid i Vikedal.
Rekord i nedbør er lite å skryta av, og spesielt ikkje når årsaka til det auka ekstremvêret skriv seg frå at klimaet endrar seg. Likevel er det gjort eit poeng ut av at det i regnbyen Bergen i årets august, september og oktober er målt 1,405,4 millimeter nedbør. Det er den største mengde regn som er registrert sidan målinga starta i 1904. Førre rekord over tre månader (1.397,6 mm) er frå november 2006 til og med januar 2007.
1,8 meter regn
Ved det inneklemde Fjellgardsvatnet i Vikedal, der Jens Hundseid har ansvaret for målestasjonen til Meteorologisk institutt, kjem det meir nedbør enn nokon andre stader i distriktet. Og her har dei festbuande opplevd ein langt våtare haust enn bergensarane og dei fleste andre nordmenn.
