To Nav-sjefar skal bli til éin når kontora i Etne og blir slått saman, men likevel skal vere to kontor. Dei to leiarane Jan var Bringedal i Etne og Kristin Tofte i Vindafjord har sete i prosjektgruppa som tilrår fysisk samanslåing.
Foto: Jon Edvardsen
Fysisk samanslått i to kontor
Nav i Etne og Vindafjord blir slått saman, men det blir kontor i begge kommunane for å unngå at lokaliseringsdebatt skal strande ønsket om fellesskap. Spørsmålet vil dukke opp på seinare tidspunkt.
Vindafjord blir vertskommune sidan samarbeidet skal organiserast under Nav Rogaland. Ein del av poenget for Etne er å forlate modellen som Vestland har for Nav, og som er litt ulik den Vindafjord har i nabofylket.
Prosjektgruppa for samarbeidet har konkludert med at fysisk samanslåing med Vindafjord som vert, er det beste alternativet.
Å la det vere som i dag med separate kontor, eller samarbeid på tvers av tenester, var ikkje aktuelt for prosjektgruppa der Nav-leiar Jan Ivar Bringdeal i Etne har styrt arbeidet.
