— Det er truleg snakk om ein klemskade, men skadeomfanget er førebels ikkje kjend, skriv Sør-Vest politidistrikt på Twitter.
Den skadde er køyrd til Haugesund sjukehus med ambulanse, og politiet opprettar sak, heiter det i meldinga.
— Ikkje livstrugande
Ifølge politoverbetjent Arild Austrheim ved Etne og Vindafjord lensmannskontor er mannen ikkje livstrugande skadd.
— Det er snakk om skadar i beina. Han var medviten då ambulansen henta han, opplyser han.
To truckar involvert
Ulykka skal ha skjedd i samband med bruk av lastetruckar.
— Det har vore to truckar involvert, og me avhøyrer den andre føraren no, opplyser Austrheim til Grannar cirka klokka 10.